விஜய் நடிக்கும் ‘தளபதி 65’ படத்தின் படப்பிடிப்பு தற்போது ஜார்ஜியாவில் துவங்கியது. படப்பிடிப்பு தளத்தில் எடுக்கப்பட்ட விஜய் படத்தை சமூக வலைதளத்தில் வெளியாகி உள்ளதால் ரசிகர்கள் மகிழ்ச்சியில் உள்ளனர்.
தளபதி 65’ படத்தின் பணிகள் ஜார்ஜியாவில் தற்போது தொடங்கியிருக்கிறது. இப்படத்தை கோலமாவு கோகிலா, டாக்டர் ஆகியப் படங்களை இயக்கிய நெல்சன் திலீப் குமார் இயக்குகிறார்.
படத்தில் கதாநாயகியாக பூஜா ஹெக்டே நடிக்கிறார். அனிருத் இசையமைக்கும் இப்படத்தில் அபர்ணா தாஸ், யோகிபாபு உள்ளிட்டோர் முக்கிய கதாபாத்திரத்தில் நடிக்கவுள்ளனர்.
சமீபத்தில் இந்த படத்தின் பூஜை சென்னையில் நடந்தது. இதையடுத்து, தளபதி 65 படத்தின் முதல்கட்ட ஷூட்டிங்கை காஷ்மீரில் நடத்த படக்குழு திட்டமிட்டது.
ஆனால் தற்போதைய சூழலில் அங்கு படப்பிடிப்பை நடத்துவது சாத்தியமில்லை என்பதால், காஷ்மீர் போன்று உள்ள ஜார்ஜியாவில் தளபதி 65 ஷூட்டிங்கை தொடங்க முடிவு செய்யப்பட்டது.